鬧熱的市場

    來來來,來遮坐

　遮的物件上蓋濟。

　欲鹹、欲甜、欲燒、欲冷，

　人客阿！在你揀。

菜開花

    韭菜開花,

　一枝一枝韭菜花。

　匏仔開花，

　一條一條匏仔瓜。

中秋節

    中秋逐家來團圓,

　泡茶食月餅。

　烘肉配柚仔，

　閣有月娘來做伴，

搖啊搖

    搖啊搖，搖啊搖

　搖到內山去挽茄。

　挽若多，挽一布袋，

　也通食，也通賣，

    也通乎嬰仔做度晬

阿爸牽水牛

       阿爸牽水牛喔，走過菜園邊
       白菜青青，阿爸心裡真歡喜
       阿爸牽水牛喔，走過蔗園邊
       甘蔗甜甜，阿弟口水饞饞滴

鴨咪仔

       一陣鴨去揣食，行到半路欠一隻。
       小小鴨咪仔落孤單，揣無鴨陣來作伴，
       嘎嘎嘎嘎嘎嘎嘎，沿路哮沿路行，
       轉來去厝內等媽媽，轉來去厝內等媽媽

水雞仔囝

       水雞仔囝，呱呱呱
       伊出世嘛是肚大大
       田中央，起厝住
       無人教伊會唱歌

食菝仔

       食菝仔，放銃子。
       食柚子，放蝦米，
       食龍眼，放木耳，
       食著甘蔗斷喙齒。

風緊來

       風 風 風緊來。
       一仙乎你買王梨，
       風 風 風緊去，
       一仙乎你買加薦。